Artistët e Aleancës për Mbrojtjen e Teatrit zhvilluan një takim me ambasadoren Romana Vlahutin. Në takimin me diplomaten e BE-së morën pjesë Alert Çeloaliaj, Neritan Liçaj, Robert Budina dhe artistë të tjerë. Pas përfundit të takimit, aktori Çeloaliaj u shpreh se ata kanë marrë nga Vlahutin konfirmimin se BE-ja është duke marrë në shqyrtim ligjin e kaluar në vend. “Falenderoj ambasadoren Vlahutin që na priti. Ia bëmë të qartë se jemi kundër shembjes së Teatrit dhe projektit të PPP-ve. Ky nuk do të jetë takimi i fundit që ne do të kemi me përfaqësues të BE-së”, u shpreh ai. Çeloaliaj i bëri thirrje edhe presidentit Ilir Meta, që të mos e dekretojë ligjin “Jemi kundër shembjes, kundër tjetërsimit të pronës publike…
I drejtohemi Presidentit që të bëhet garant i të drejtave kushtetuese i qytetarëve të Shqipërisë…të mos e dekretoje ligjin”-apeloi aktori.