Por në këtë takim përveç mbështetësve socialist, të pranishëm ishin edhe mbështetës të PD.

Teksa kryeministri po fliste për Bashën, disa qytetarë lëshohim brohorima, bënim me duar numrin 6  si kundërpërgjigje ndaj tij por edhe valëvisnin flamuj të PD.

Por kryeministri Rama nuk ka nguruar t’u kthejë përgjigje, i cili u premtoi se pas fitores së PD ai do të vinte në zyrën e PD në Kukës për të pirë së bashku me to një kafe.

“Ti mos bertit aty, se e kam mik unë Lulin. Ju them miqësisht Luli është i mirë për në TV, ama u fik TV Lulin e keni për qejf të vet.

Merrrni në telefon kushërinjtë që keni në Tiranë, e kishin 4 vjet ata kryetar bashkie. Katër vjet sahati i Tiranës nuk punon. Ti që më bërtet që aty mos më bërrit se i thashë Lulit. C’është ajo 6, se fitoni ca deptuetë të opozitës në Parlament, nuk fitoni me shume, ndaj votoni 2 dëgjoni mua do dalin fjalët e mia ndaj mos na turpëroni. . Lulin mbajeni në mendje, mua në zemër.  Se ju më keni borxh mua, kush ua nxori Lulin nga cadra? Ju s’do ishit aty tani do ishit në kafe e s’do kishit shans të merrnit pjesë në votime, ju jeni ul aty e tani do votoni”, tha Rama.

Simpatizantët e PD-së, e ftuan Ramën për kafe dhe kryeministri iu përgjigj menjëherë.

“Duan të më japin kafe? Do vi unë për kafe, pas 25 qershorit, mbajeni zyrën aty se e keni bërë bukur, dhe do festojmë për fitoren e Shqipërisë”, tha më tej Rama.