Së fundmi në media është përfolur se Loredana Zefi dhe reperi gjerman Bonez janë në lidhje dashurie. Kjo pasi dyshja publikonin fotografi dhe video në llogaritë e tyre, nga vendet e njëjta, madje Bonez publikoi dhe Loredanën por gjithmonë duke mos i nxjerrë në pah fytyrën.

Duke qenë se u zbuluan shumë shpejt, ishte Loredana ajo e cila reagoi duke thënë se thjesht e kishte shoqëruar gjatë koncertit të tij, pas marrjes së një çmimi, “Best live act”.

Për këto dyshime shkruan edhe mediat gjermane, të cilat e quajtën marrëdhënien midis artistëve një flirt Instagram-i dhe nuk përjashtonin mundësinë e një lidhjeje të mundshme. Këto lajme kanë rënë edhe në vesh të reperit gjerman, i cili nuk e ka lënë pa një reagim nga ana e tij. Ai ka publikuar në Instagram një foto ku shfaqet bashkë me Loredanën dhe në të shkruan : “Thashetheme, i dua”. Në këtë foto ka reaguar edhe Loredana e cila shkruan se edhe ajo i do gjithashtu.