Një ndër dyshet më të dashura të showbiz-it shqiptar janë Bes Kallaku dhe Xhensila Myrtezaj. Ata u bënë për herë të parë prindër dhe këngëtarja solli në jetë një vajzë, të cilën ata e pagëzuan me emrin e veçantë Ajka. Halla e saj, Ana Kallaku ka qenë e ftuar te "Rudina" ku ka treguar më shumë për mbesën e saj.

"Jam aq e lumtur tani që jam bërë hallë, sa më duket sikur jemi në parajsë. Ndihem si në qiellin e shtatë. Uroj që atyre t’u shkojë çdo gjë mbarë! Për ne është lumturi e madhe", është shprehur Ana.

Ndërkohë e pyetur se kujt dëshiron t’i ngjajë Ajka, Ana u përgjigj kështu: "Në pamje ti ngjajë Xhensilës se është yll e bukur, por dua që të ketë një zemër të madhe si të Besit".