Një vajzë me aftësi të kufizuara vdiq pasi nëna e saj i kafshoi buzët për ta ndaluar së qari. Zemra e vogëlushes ndaloi papritur. Në vitin 2015, Katja Spesivtseva, e cila në atë kohë ishte 6 vjeç, u sulmua nga e ëma Ludmila në qytetin Revda në rajonin perëndimor Sverdlovsk të Rusisë. Katja, e cila vuante nga paraliza cerebrale, filloi të qante gjatë natës dhe kjo tërboi nënën e saj duke e sulmuar vajzën e vogël. Fillimisht filloi ta rrihte, por ku ajo nuk po pushonte e kafshoi në buzë. Katya kaloi disa ditë me dhimbje të forta pa ilaçe përpara se nëna e saj ta dërgonte në ambulancë. Më pas u dërgua në spital dhe mjekët konstatuan se nëna kishte tentuar ta kafshonte dhe në hundë, por nuk kishte arritur ta bënte. Mjekët evidentuan shumë plagë të tjera në trupin e vogëlushes.
Katya kaloi një vit duke marrë trajtime në spitale të ndryshme dhe mjekët thanë se po vuante nga sëmundje të shumta, por ato nuk ishin zbuluar më parë për shkak të mungesës së përkujdesjes. Ajo u adoptua më pas nga Anna Makarova-Bespalova, nga qyteti turistik i Anapës në Detin e Zi. E ëma u dënua me 4 vite burg dhe gjykata i privoi të drejtat e saj prindërore. Sipas mediave lokale, Katya kaloi vitin e fundit të jetës me familjen Makarov-Bespalovs, që e rrethoi me kujdes e dashuri para se të vdiste nga ataku në zemër në moshën 9-vjeçare.