Floriana Garo na surprizoi të gjithëve me lajmin se ajo tashmë ka nisur aventurën e bukur të mëmësisë, për herë të dytë në jetën e saj.

Lajmin ajo dha nga emisioni “Rudina” ku u shpreh se ishte 3 muajshe shtatzënë dhe se dëshironte shumë që vajza e saj 1 vjeçare të bëhet me një vëlla.

"Ja kam marrë dorën mëmësisë dhe më mirë tani shpejt dhe nuk i harroj ato që kam mësuar", tha Floriana.

Së fundmi, Floriana ka publikuar një foto të shkëputur nga një event ku shfaqet e veshur me një fustan të gjatë ngjyrë rozë teksa në sy bie barku i saj i fryrë. Nuri i shtatzënisë e kanë bërë moderatoren të duket shumë më e bukur.