Era Rusi është një nga këngëtaret më të mira të muzikës së lehtë shqiptare. Një zë potent, që në çdo përfaqësim në kompeticione muzikore shënon një sukses në karrierën e saj. Era është gjithashtu e njohur edhe si këngëtare, e cila ka kënduar që në fillimet e saj në lokale të ndryshme, dhe si gjithmonë ka preferuar të kënduarit live.
Pikërisht në një nga këto net, ajo është fotografuar rreth 8 vite më parë nga gazeta Panorama. Nëse do të bëjmë krahasimin me foton që i përket ditëve të fundit, mund të themi që ndryshimi i Erës është impresionues.

Në vite këngëtarja ka kuptuar që vetëm zëri nuk mjafton dhe, mesa duket, ka bërë disa rregullime në portretin e saj, ku më i dukshmi është ai i zvoglimit të hundës. Një ndryshim, që me të vërtetë ka qenë ai i duhuri.

OTR mund të jesh kur ke “Ferrari”

Nëse je OTR, je në modë! Kjo është pak a shumë një batutë që përdoret mes të rinjve, pasi Noizy, këngëtari i tyre i preferuar, ka krijuar labelin e tij të pagëzuar me emrin OTR. Dhe natyrisht, për të qenë i pëlqyer nga fansat, duhet të demonstrosh që bën jetë luksoze.

Prandaj Noizy nuk përton të tregojë makinat dhe veshjet e shtrenjta. Por rreth 8 vite më parë, teksa këndonte në lokalet e natës së Tiranës, ai nuk e ka patur problem të këndojë me një triko leshi të vjetër. Mbase nuk ishte akoma në modë shfaqja e superluksit asokohe.