Këngëtarja e njohur Tuna dhe bashkëshorti i saj Patrisi, janë përfolur së fundmi për një ndarje të mundshme mes tyre. Ata janë parë duke i bërë pushimet të ndarë nga njëri tjetri, këngëtarja në Afrikë, ndërsa Patrisi në Shtetet e Bashkuara të Amerikës.

Megjithatë duket se kjo nuk do të thotë asnjë gjë, pasi këngëtarja me veprimin e fundit ka dëshmuar që jo vetëm nuk është ndarë nga Patrisi, por është shumë e lumtur me të.

Ajo ka shtuar në instagramin e saj edhe mbiemrin Berisha për të dëshmuar kështu që vijon të jetë e martuar me Patrisin dhe nuk kanë në plan të ndahen. Kjo është hera e dytë që Tuna përpiqet tua mbyllë gojën mediave.

Më parë ajo shpjegoi se në 2019 njerëzit mund të bëjnë pushime vetëm pa qenë nevoja të jenë të ndarë, ndërsa sot me shtimin e mbiemrit të burrit në instagramin ka dashur që ta mbylli njëherë e mirë këtë temë.