Koncerti i shumëpritur i Maluma në Tiranë më në fund do të realizohet. Pas dy anulimeve përshkak të Covid-19, publiku shqiptar brenda pak ditësh mund të shijojë nga afër performancën e yllit botëror.

Uarda Koci tregoi për “Shqipëria Live” disa nga kërkesat që ka paraqitur këngëtari me famë botërore Maluma para koncertit në Shqipëri, më 14 mars.

Kërkesat e paraqitura nga stafi i tij fillonin me një tavolinë ping-pongu në prapaskenë. Një detaj disi i çuditshëm por i domosdoshëm nga ana e këngëtarit.

 “Maluma është një djalë super solar dhe gjithë ky ndriçim, pozitivitet i tij përcillet tek stafi i jashtëzakonshëm”, tha Uarda, një nga organizatoret e koncertit.

Disa nga kërkesat përfshinin kafenë, çajin dhe mjaltin.Një kërkesë tjetër po aq e domosdoshme janë çamçakëz pa sheqer, pasi në këtë mënyrë ai redukton stresin.

“I kemi sugjeruar stafit produktet vendore dhe njëkohësisht i promovojme produktet tona”, u shpreh Uarda.