Kryeministri Edi Rama ka publikuar në Facebook një foto të një llotoje, teksa shfaqen punonjësit që heqin tabelën e një kompanie bastesh sportive. “Lamtumirë”, shkruan Rama në foton e publikuar në rrjetin social.

Qeveria ka marrë vendim për të mbyllur brenda datës 31 dhjetor 2018 kazinotë elektronike, bingot tradicionale dhe bastet sportive në qendrat e banuara.

Më herët, Rama premtoi se më 1 janar nuk do të ketë më pika bastesh në Shqipëri. Ai ka deklaruar se ky vendim ishte pjesë edhe e një përpjekjeje më të gjerë për të luftuar krimin.