Prej kohësh këngëtarja e njohur Jonida Maliqi është përfolur për një romancë me aktorin e humorit Romeo Veshaj, zëra të cilat ende nuk kanë marrë një konfirmim nga dyshja.

Këtë të shtunë, Jonida Maliqi ka qenë e ftuar në emisionin Pop Culture, ku në një intervistë me autoren dhe moderatoren Dojna Mema ajo ka rrëfyer disa prej gjërave që ndoshta nuk i keni ditur më parë. Pas ngacmimeve për raportin me Romeon dhe për faktin se kanë qenë së bashku në jug, fundjavën që lamë pas, Jonida është përgjigjur me humor .

“Ka qenë koiçidencë. Ndoshta po i bënim karshillëk njëri-tjetrit”, është shprehur Jonida Maliqi duke qeshur.

Por më pas ajo ka shtuar që “Kam diçka të rëndësishme andej, kaq mund t’ju them. Ju mjafton?”.

Ndërsa pyetjes së drejtpërdrejtë nëse është e lidhur me Romeon, Jonida i është përgjigjur: “Merre Romeon pyete. Unë ta thash që nuk flas.”

Më tej, Dojna ka pyetur Jonidën nëse beson sërish tek martesa dhe nëse a do të zgjidhte ta bënte sërish.

“Nëse do më pyesje para disa kohësh do të thoja, jo nuk besoj por unë besoj tek dashuria dhe kur dy njerëz duhen e duan të ndajnë jetën bashkë , të krijojnë familje, duan të jenë pjesë e njëri tjetrit dhe të pleqërojnë të dy. Patjetër që besoj dhe do mundohem që ta gjej këtë gjë”.- ka treguar Jonida.