Aktorja Rudina Dembacaj ka qenë së fundmi në qendër të vëmendjes që pas propozimit të famshëm që mori gjatë një udhëtimi në Turqi nga partneri i saj, ish deputeti Mark Froku. Rudina ka qenë së fundmi e ftuar në emisionin e pasdites në “TvKlan”, ku ka folur më gjerë lidhur me planet që ka për martesë si dhe për një fëmijë të dytë.

Ajo tha se martesën me Markun e ka planifikuar kur të mbarojë pandemia dhe kur të mos ketë më masa anticovid. Fillimisht do të organizojnë ceremoninë në kishë dhe më pas një drekë familjare.

Rudina ka treguar gjithashtu se fustanin e saj po e bën gati motra e saj me motive tradicionale nga xhubleta.

Aktorja ka folur edhe për planet që ka për një fëmijë të dytë, duke rrëfyer se do të donte që të kishte një djalë që ti ngjante të paktën 30% të atit të saj.