Leonardo DiCaprio, ka ngjitur shumë shkallë në karrierën e tij, pas fitimit të çmimit Oscar si aktori më i mirë në muajin mars. Dhe mesa duket Leo, po e shijon akoma, teksa ishte në një party të Justin Bieber në New York, i shoqëruar nga një brune misterioze.  

Aktori 41 vjeçar i Revenent, kishte vënë kapelen për të mbukuar fytyrën si dhe kishte vënë dorën te goja, për tu shpëtuar paparacëve, dhe po drejtohej drejt Range Rover-it të tij.

Ndërkohë që pas aktorit, ishte një brune sexy, e veshur me një minifund të zi, një bluzë gri dhe çizme që shkonin sipër gjunjëve.

Lidhje e re? Leonardo është i njohur për shije të holla dhe fine në lidhje me të dashurat, dhe kohët e fundit është folur shumë për romanca me modele të ndryshme, madje edhe me Rihanna-n.