Një burrë 43 vjeç është arrestuar nga polica e Vlorës pasi dyshohet se është autori i disa vjedhjeve.

Sipas njoftimit të policisë autori është identifikuar si Roland B.

43-vjeçari që akuzohet për vjedhjen e 9 portofolave po udhëtonte nga Tirana drejt Vlorës, për të ushtruar 'profesionin e tij'.

Shtetasi Roland B., është shtetas me precedentë të mëparshëm penal në fushën e vjedhjeve.

NJOFTIMI I POLICISË

Më datë 30.07.2018, ka vjedhur portofolin e shtetases E.Q.

Më datë 26.06.2018, në vjedhur ambientet e ambulancës i ka portofolin shtetasit F.Sh.

Më datë 09.10.2017, në lagjen ''Osman Haxhiu'', ka vjedhur portofolin e shtetases G.D.

Më datë 02.10.2017, në lagjen ''Isa Boletini'', ka vjedhur një portofol të shtetasit A.N., dhe një tjetër të shtetasit M.B.

Më datë 15.08.2017, në lagjen Hajro Çakërri, ka vjedhur portofolin e shtetases M.B.

Më datë 31.07.2017, në urbanin e linjës Skelë-Vlorë ka vjedhur portofolin e shtetasit L.M.

Më datë 20.06.2017, në ambientet e ZVRPP Vlorë, ka vjedhur portofolin e shretasit B.Ç.

Më datë 30.05.2017, tek zyrat e ZVRPP, Vlorë ka vjedhur portofolin e shtetases B.B.

Ai është me precedentë të mëparshëm penal në fushën e vjedhjeve.

Materialet hetimore iu referuan Prokurorisë pranë Gjykatës së Shkallës së Parë Vlorë, për veprën penale ''Vjedhja'', parashikuar nga neni 134 i Kodit Penal.