Me sa duket nuk i ka bërë dot ballë lajmit, që vuante nga një sëmundje e rëndë dhe 64-vjeçari vendos të vetëflijohet duke u hedhur nga kati i katërt i spitalit të Sanatoriumit, Shefqet Ndroqi. Sh. K ka qenë në shoqërinë e së bijës në spital, por ndërsa kishte vendosur t’i jepte fund jetës ka larguar më parë vajzën, duke i kërkuar t’i kryente një porosi. Sipas policisë, pak çaste para se të vetë hidhej nga lartësia, ai i ka kërkuar vajzës së tij t’i marrë diçka në dyqan dhe sapo ajo është larguar nga dhoma e spitalit, Sh. K është vetë hedhur nga dritarja e katit të katërt duke gjetur dhe vdekjen e menjëherëshme.