Një aksident i rëndë ka ndodhur par pak minutash në fshatin Arapaj të Fierit. Sipas informacioneve papraprake mësohet se makina ka përplasur dy këmbësorë të cilët kanë ndërruar jetë. Burime nga policia konfirmojnë se viktima janë Amarildo dhe Festim Dogani, dyshohet kushërinj me njëri-tjetrin.

Sipas informacioneve këmbësorët kanë qenë duke ecur në anë të rrugës kur u përplasën nga një makinë, e cila humbi kontrollin dhe doli nga rruga, duke përplasur edhe dy viktimat. Në atë rrugë mungon ndriçimi dhe mjeti i ka marrë përpara, duke qenë se nuk ka pasur fushëpamje të mirë. Ndërkohë në vendngjarje kanë mbërritur forcat e policiësë të cilat po punojnë për zbardhjen e ngjarjes.

Drejtuesi i mjetit Amarildo Çalamani është shoqëruar në polici për të dhënë detajet mbi shkaqet e aksidentit, ku humbën jetën dy kushërinjtë, Amarildo dhe festim Dogani. Ndërkohë që ka mbetur i plagosur Martin Dogani 22 vjeç, i cili ishte bashkë me dy viktimat.

Njoftimi i policisë

Në datën 26.08.2018, në orën 20:40, në urgjencën e Spitalit Fier janë sjellë në gjendje të rëndë shëndetesore e më pas kanë ndërruar jetë shtetasit A.D, 29 vjeç dhe F.D, 21 vjeç, të dy banues në fshatin Arapaj, Roskovec.

Nga të dhënat paraprake, të dy shtetasit janë aksidentuar në fshatin Arapaj, nga një mjet që drejtohej nga shtetasi A.Ç, banues në fshatin Arapaj.

Dy viktimat kanë qënë këmbësorë ndërsa mjeti ka dalë nga rruga dhe ka rënë në kanal.

Grupi hetimor ka shkuar drejt vendngjarjes dhe po punon për sqarimin e plotë të rrethanave të këtij aksidenti.