Sipas një raporti të ri, pjesa më e madhe e njerëzve kanë mungesë vitamine.

Këshillat e reja për mënyrën e të ngrënit janë duke bërë miliona njerëz  të sëmurë.

Qeveria dhe ekspertët e NHS  bien dakord se duhet të marrim parasysh faktin se jo çdo këshillë dietike e “botës ideale”, duhet të merret parasysh.

Dieta e fundit ndërkombëtare ushqimore dhe e suplementeve ushqimore është fokusuar në 11 vitamina dhe minerale të  rëndësishme dhe duke identifikuar mangësitë në çdo rast.

Këshilltarja e shërbimit informativ të shëndetësisë, Dr Emma Derbyshire u shpreh se departamenti i shëndetësisë nuk do që njerëzit t’i shohin vitaminat dhe mineralet si një zëvëndësim i dietës ushqimore.

Një numër i madh njerëzish nuk po ushqehen me një dietë të shëndetshme dhe duhet ta pranojmë këtë.

Çdokush duhet ta dijë rekomandimin 5 ditor për të konsumuar fruta dhe perime dhe ky është rregulli i një diete të shëndetshme.

Jo të gjithë njerëzit po i marrin këto vlera ushqimore;

Vitamina A

Vitamina A mbështet sistemin tonë imunitar, shikimin dhe lëkurën. Shenjat e mungesës së kësaj vitaminë manifestohen me të qënit të ndjeshëm ndaj infeksioneve në fyt dhe gjoks, të gastroenterit dhe të shikimit dobët gjatë natës. Burime të mira me vitaminë A janë mëlçitë, djathi, vezët, vaj peshku, qumësht, kos. Gjithashtu edhe beta- Carotene në perimet dhe frutat e verdha dhe të kuqe mund të konvertohet në vitaminë A.

Pothuajsë 1 në 5 vajza të moshës 11 deri në 18 vjeç, nuk përmbushin nivelin minimal të vitaminës A duke rrezikuar zhvillimin e kockave.

Vitamina D

Vitamina D është e domosdoshme për eshtrat, dhëmbët dhe muskujt dhe mangësia e tyre mund të çojë  në sëmundjen rakitik tek fëmijët, dhimbje kockash dhe dobësi tek të rriturit. Vitamina D është e rëndësishme për imunitetin për ta mbrojtur nga diabeti tip 2, skleroza e shumëfishtë dhe disa lloje kaceresh. Përveç verës kur e marrim këtë vitaminë me anë të rrezeve të diellit, gjatë muajve të vjeshtës dhe dimrit këtë vitaminë mund ta marrim nëpërmjet vajit të peshkut, mishit të kuq, vezës dhe drithërave në mëngjes. Të gjithë njerëzit, përfshirë edhe  gratë shtatzëna dhe me fëmijë në gji, duhet të marrin një shtesë të përditshme me 10 mcg vitaminë D.

Folate

Acidi folik ose vitamina B9 duhet konsumuar çdo ditë. Gratë që planifikojnë shtatzëni  duhet të marrin 0.4 mg folate për të parandaluar defektet e lindjes.

Pirja e alkolit në sasi të mëdha mund të rrisë rrezikun e mangësisë së kësaj vitamine dhe shenjat janë humbja e oreksit, gulçim, nervozizën, diarre dhe harresë.

Sipas një raporti nga shëndeti publik në Angli,më shumë se 3 e katërta e grave nuk marrin acid folik gjatë shtatzënisë, pavarëissht se nivelet e folate në gjak janë rrezikshmërisht në nivele të ulëta.

Hekur

Hekuri është ndërtues i hemoglobinës i cili transporton oksigjen rreth trupit që është i rëndësishëm për energji.

Mishi i kuq është burim i pasur me hekur si dhe frutat e thata dhe perimet me gjethe jeshile të errët. Shenja e mungesës së hekurit është lodhja, humbja e flokëve, lëkurë e zbehtë, thonj të brishtë, gulçim, marrje mendsh, duart dhe këmbët e ftohta dhe rrahje të shpeshta të zemrës.

Mungesa e hekurit tek gratë dhe vajzat ka arritur nivele epidemike.

Kalcium

Ky mineral është i rëndësishëm për eshtrat dhe dhëmbët si dhe për metabolizmin e karbohidrateve të cilat mund të jenë arsyeja  që shfaqin rrezikun e para diabetit. Burime të mira ushqimore me kalcium janë  qumështi, nënproduket e qumështit, sojë, brokoli, lakër dhe arra. Ndërsa shenjat e mungesës së saj janë flokët dhe thonjtë e brishtë si dhe kujtesë e dobët. Rekomandohet që gratë  të marrin kalcium para menopauzës.

Zink

Ky element mbështet shërimin e plagëve dhe imunitetit.

Mishi dhe  disa drithëra janë burime të mira me përmbajtje zinku. Çrregullimet e tretjes dhe niveli i lartë i alkoolit rrisin nivelin e mungesës së kësaj vitamine dhe shenjat janë: kollitjet e shpeshta dhe ftohjet , shërimi i ngadalshëm i plagëve , probleme të lëkurës (shfaqja e puçrrave ) dhe lëkurë e thatë. Gjithashtu edhe veshja e bardhë e gjuhës dhe dëmtimi i nuhatjes.

Magnez

Magnezi është i rëndësishëm për shëndetin e kockave dhe ndihmon në kthimin e ushqimit në energji.

Burime magnezi janë:perimet me gjethe jeshile, arrat, peshk, mish dhe produktet e qumështit.

Shenjat e mungesës së magnezit janë: dhimbje barku, lodhje, pagjumësi dhe kujtesë e dobët.

Omega 3

Acidet yndyrore omega 3 ndihmojnë shëndetin e zemrës dhe janë të rëndësishme gajtë shtatzënisë pasi mbështesin zhvillimin e sistemit nervor të foshnjes.

Vaj peshku, sardelet, harenge dhe skumbri janë të pasura me burime omega 3.