I ftohti i janarit na tha lamtumirë! Shkurti ka hyrë me mot të ngrohtë dhe temperaturat ekstreme që na shoqëruan gjatë muajit janar, nuk do të jenë më pjesë e ditëve të fundit të dimrit.

Sinoptikanët kanë parashikuar që muaji i fundit i dimrit do të jetë i ngrohtë dhe i lagësht. Sipas tyre, qarkullimi i masave jugore ka bërë që temperaturat minimale në veriun e vendit të mos zbresin nën 3 gradë, e ndërsa në qendër dhe jug jo më pak se 12 gradë celsius.

Bazuar në të dhënat shumëvjeçare të motit, këto temperatura janë 4 gradë më të larta se normalja. Sipas parashikimeve, në këto kushte do të jetë i gjithë muaji shkurt. Reshjet e pakta do të jenë në formën e shiut edhe në zonat malore në veri të vendit.