Ndonëse artisti 23-vjeçar u përfol kohët e fundit për një lidhje intime me aktoren Kate Hudson, raportimet më të fundit tregojnë se tashmë ai i ka hedhur sytë nga bashkëmoshatarja e tij Lily Collins. Sajti E! News bën me dije se çifti janë parë disa herë bashkë në pjesën perëndimore të Hollywood-it, duke darkuar si dhe duke luajtur bowling. Thuhet se takimi i tyre i fundit ishte pak ditë më parë për ski në malin  Mammoth të Kalifornisë. Hmm mesa shohim ky lokacion qenka i preferuari i Nick Jonas, pasi më herët gjatë muajit janar, këngëtari u fotografua atje në shoqërinë e Kate Hudson. Me siguri duhet të ketë ndonjë magji ai vend!