Nico Rosberg kampion Bote për herë të parë në karrierë. Në Abu Dhabi, gjermani i Mercedes-it kurorëzoi ëndrrën e tij për të fituar një titull Botëror në Formula 1, ashtu sic kishte bërë babai i tij Keke Rosberg 34 vite më parë. Lewis Hamilton triumfoi i pashqetësuar në garën e fundit atë të Cmimit të Madh të Emirateve të Bashkuara Arabe, por Rosberg të cilit i mjaftonte edhe vendi i tretë për tu shpallur kampion bëri detyrën duke u pozicionuar i dyti për të shkruar emrin e tij në librin e artë të Formula 1.

Në klasfikimin e përgjithshëm Nico mbyll kampionatin formula 1 me 385 pikë, ku le pas shokun e skuadrës me 5 pikë me shumë se Lewis Hamilton, për ta zbritur nga froni anglezin dhe për tu shpallur kampioni i ri i Botës. Me 9 fitore, 5 vende të dyta dhe 2 vende të treta për një total prej 16 podiumesh Rosberg arriti ta fitonte këtë titull edhe për faktin se në vetëm një garë nga 21 gjithsej nuk arriti të merrte pikë. Festa ishte e gjitha për Rosberg në fund të garës së Abu Dhabit me gjermanin që fitoi kështu një titull mëse të merituar edhe pse Hamilton bëri gjithcka për tia hequr nga duart por në fund nuk ja doli dot.