Nicolas Cage u përfshi në një sherr me mikun e tij, këngëtarin e Mötley Crűe, Vince Neil, 55 vjeç, jashtë një kazinoje në Vegas pasi rrokeri, kap një grua për flokësh sepse i kërkoi yllit të kinemasë një autograf.

Nicolas u pa duke u përleshur me Vince në Vegas. Aktori i bërtiti rrokerit "Ndaloje këtë m*t gjëje tani", ndërkohë që kalimtarët ngelën të habitur. Cage më pas e përqafoi shokun e tij dhe i tha që e donte shumë. Një burrë që dukej si roje sigurie u përpoq të qetësonte situatën.

TMZ raportoi që rrokeri bjond kishte cënuar fizikisht një grua brenda kazinosë. Gruaja ishte një fanse e Nicolas dhe po thonte përshëndetje kur muzikanti e kapi për flokësh dhe e tërhoqi poshtë. Thonë edhe që veterani i Mötley Crűe është paditur për dhunim personi.