Nis raundi i katërt i zgjedhjes së kreut të ri të shtetit, ja cilët nuk do të jenë të pranishëm në votim

Publikuar më: 16:26 28-04-2017

Rreth orës 17:00 të ditës së sotme nisi raundi i katërt i zgjedhjes së kreut të ri të shtetit, ku kandidatura e vetme në garë është Ilir Meta.

Seanca e sotme parlamentare drejtohet nga Valentina Leskaj. Ndërkohë mësohet se nuk do të jenë të pranishëm në votim deputetët Ben Blushi dhe Eduard Ndocaj.

Ilir Meta është miratuar sot në Komisionin e Ligjeve si kandidatura e vetme për president. Tashmë nuk ka mbetur veçse votëbesimi me 71 vota në Kuvend që Meta të jetë zyrtarisht President i Republikës.

Modifikuar më 16:36 28-04-2017