Kryeministri Rama ka qënë i pari që ka hyrë në Presidencë në orarin e përcaktuar nga Bujar Nishani i shoqëruar me kreun e grupit të PS, Gramoz Ruçin. Më pas me 8 minuta vonesë është parë të hyjë dhe kreu i opozitës Basha dhe ai i shoqëruar me kreun e grupit të PD, Edi Palokën. Mbase ka qënë konçidencë por liderat e partive në “konflikt” kanë parkuar makinat në godinën e presidencës nga hyrje të ndryshme, Basha nga krahu i djathtë dhe Rama nga i majti. Tryeza pritet të ndikojë në zgjidhjen e krizës politike në vend, pasi prej më shumë se 70 ditësh opozita ka braktisur parlamentin.