Në Gjykatën e Apelit për Krimet e Rënda është zhvilluar seanca gjyqësore për të shqyrtuar kërkesën e Emiljano Shullazit, për masën e arrestit me burg që ka i dhënë Shkalla e Parë. Po Shullazi që kishte kërkuar zbutje të masës së arrestit nuk ia doli dot, pasi vendimi nuk ndryshoi. Ai vetë nuk morri pjesë në seancë, por u përfaqësua nga avokati i tij, i cili pas seancës tha se nuk ka asnjë provë që fajëson klientin e tij.

Shullazi është arrestuar si i dyshuar për gjobëvënie dhe marrje të pasurisë përmes kërcënimeve. Deri tani ai ka ndryshuar tre burgje, nga Tirana u transferua në Elbasan dhe më pas e rikthyen sërisht në kryeqytet.