Nasri Assiya, 20 vjeçe, do të kandidojë si këshilltare e qytetit në zgjedhjet e ardhshme lokale më 26 maj në Montoro, në provincën e Avellinos. Kundër eksponentes të Lëvizjes 5 Yjet, e cila mban burkën siç kërkohet nga tradita e vendit të saj të origjinës, ka pasur qindra mesazhe në “Facebook” dhe “Instagram” që e ftojnë atë të heqë dorë.

“Ajo është Nasri Assiya, ajo është 20 vjeçe dhe e diplomuar në matematikë. U regjistrua në Universitet kur ajo ishte vetëm 17 vjeçe, njeh mirë katër gjuhë të huaja”, thuhet në mesazhin zgjedhor të kandidates.

Një mesazh zgjedhor, i cili megjithatë, është shoqëruar me komente, jo me të vërtetë miqësore. “Një italiane e re me burqa. Unë kurrë nuk do të votoja për ju”, shkruan dikush, ndërsa një përdorues publikon një foto me fjalët “Islam, jo falënderime”.

Ose përsëri, ka nga ata që thonë: “Është mirë, thjesht hiqni vellon nga koka, që sigurisht nuk është simbol i zhvillimit kulturor dhe social”.