Inxhinierët e kompanisë së njohur Nissan kanë prezantuar “Karrigen inteligjente vetë-parkuese”.

Duke u nisur nga teknologjia për asistim të mençur në parking te veturat, “Intelligent Parking Chair” mund të lëvizë dhe të parkohet vetë nën tavolinë.

Për të bërë këtë, inxhinierët kanë zhvilluar një bazë unike në karrige që përdor motorë elektrikë dhe rrota të dizajnuara për lëvizje 360 shkallësh. Karriget janë të vendosura në një dhomë që ka katër kamera të vendosura. Ato kamera krijojnë një hartë në dhomë ashtu që karrigia të lëvizë dhe të “parkohet” nën tavolinë.

Një duartrokitje mjafton që karriget të lëvizin dhe të kryejnë këtë funksion.

Qëllimi i projektit është që të shihet ndikimi i produkteve të Nissanit në jetën e njerëzve.