Një babagjysh i pazakontë ka shpërndarë dhurata për të sëmurët në spitale. Ai është ish Presidenti i SHBA, Barack Obama, që është shfaqur ndryshe nga ç'jemi mësuar ta shohim. Ai ka vizituar qendrat spitalore të fëmijëve në Washington DC. 

Me një kapele të Babagjyshit dhe një thes me dhurata Obama ka argëtuar fëmijët në spitale. Gjatë vizitës ish Presidenti interpretoi me mjekët, infermierët, pacientët dhe familjarët këngët e Krishtlindjeve.
Edhe vitin e shkuar Obama bëri një veprim të ngjashëm, pasi vizitoi i veshur në të njëjtën formë disa nxënës të shkollave të mesme.