Janë publikuar nominimet e People’ s Choice AWards, nominime të cilat kanë vënë përballë njëri-tjetrit dy ish anëtarët e grupit One Direction. Bëhet fjalë për Zayn Malik dhe Niall Horan, të cilët do konkurojnë për çmimin “Favorite Breakout Artist”. Artistët e tjerë të nominuar për këtë çmim janë, Chainsmokers, Alessia Cara dhe DNC.

Edhe pse ata nuk e kanë konfirmuar pjesëmarrjen e tyre, ne presim që djemtë të jenë të pranishëm në ceremoninë e cila do të mbahet me 18 janar të vitit ardhshëm, pasi do të jetë hera e parë që secili nga djemtë nominohen për një çmim solo.

Megjithatë dy këngëtarët e suksesshëm mund të “përballen” më herët me njëri-tjetrin pasi Niall do të performojë në shfaqjen e American Music AWards të këtij viti dhe Zayn e ka vendosur të marrë pjesë për shkak se ai është nominuar për një çmim. Fundja do të jetë një minireunion!