Kanceri i gjirit nis kur qelizat e dëmshme në gji nisin të rriten jashtë kontrollit. Këto qeliza formojnë tumore, të cilat bëhen malinje nëse pushtojnë dhe përhapen në inde. Sikurse çdo lloj kanceri edhe kanceri i gjirit ka disa faktorë rreziku të cilat nuk mund të ndryshohen sikurse është historia familjare.

Ekzistojnë disa gjene të trashëguara që mund të shkaktojnë kancer. Trashëgimia më e zakontë e kancerit të gjirit ka të bëjë me mutacionet në gjenet e njohura si BRCA1 dhe BRCA2.

Këto gjene janë të rëndësishme në prodhimin e proteinave për riparimin e ADN-së.

Nëse këto gjene pësojnë mutacione qelizat rriten aq shumë dhe rrjedhimisht shkaktohet kancer.

E pikërisht kanceri i gjirit i trashëguar përbën një sfidë për mjekët të cilët së fundmi kanë zbuluar një terapi të re e cila mund të vrasë qelizat kancerogjene të trashëguara.

Ekspertët amerikanë zbuluan një molekulë të quajtur microRNA 223-39 e cila parandalon që qelizat normale dhe të shëndetshme të bëjnë gabime teksa riparojnë ADN-në e tyre.

Molekula MIP 223-3p është si një ndërprerës dritë që mund të çaktivizojë proteinat që qelizat kancerogjene duhet të ndajnë siç duhet. Nëse nuk kanë proteinat kryesore, tumoret vetëvriten.

Dhe kur molekula MiR rikthehet para se qelizat të bëhen kanceroze, mund të parandalojë sëmundjen.

Shkaku më i zakonshëm i kancerit të trashëguar të gjirit është një mutacion i trashëguar në gjenin BRCA1 ose BRCA2. Në rastet kur këto gjene trashëgohen, rreziku i zhvillimit të kancerit të gjirit është më i lartë.

Mesatarisht, një grua me një gjen të prekur nga mutacioni mund të ketë rreth 7 në 10 shanse për të përvetësuar sëmundjen. Rreziku mund të rritet akoma nëse ka më shumë se një anëtar të familjes të prekur nga kanceri i gjirit.

Edhe pse kanceri i gjirit është më i zakonshëm tek gratë, gjeni me mutacion mund të vijë nga babai ose nëna.