Monika Kryemadhi lëshoi një deklaratë para disa ditësh, ku u shpreh se kriza politike në vend, konkretisht “sherri” Basha-Rama, i ka kushtuar mijëra vende pune Shqipërisë, mirëpo kjo nuk u prit mirë nga kryeministri Rama. Lidhur me këtë deklaratë të Kryemadhit, ai tha se nuk duhet marrë seriozisht. “Mos i merrni seriozisht ato që thotë Monika, pasi LSI-ja është partnere në koalicion”, u shpreh Rama.

E shpejtë ishte edhe kundërpërgjigja e deputetes së LSI-, e cila publikoi një mori fotosh me biznese të mbyllura që kanë shpallur falimentimin e tyre.

Fill pas përgjigjes që i dha Monika Kryemadhi kryeministrit Edi Rama, vjen edhe karikatura e Bujar Kapexhiut që ilustron më së miri përplasjen e bujshme.

“Po tani?! Këtë merreni seriozisht”, thotë Kryemadhi ndërsa kryeministri mbetet i shtangur me dorën vendosur në mjekër.