Bëhet fjalë për Dua Lipa, Bebe Rexha, Era Istrefi dhe Arilena Ara, të cilat janë përzgjedhur për të marrë pjesë në festivalin “Evropa Plus”. Lajmi është bërë i ditur nga sajti zyrtar i eventit, i cili ka listuar artistët që do të performojnë. Duket qartë nga foto e mëposhtme që Dua, Bebe dhe Era konsiderohen në radhën e emrave big të “Evropa Plus”, dhe e vetmja këngëtare e huaj që duket se u bashkohet në status është Oceana. Gjithashtu është interesant fakti që Arilena ia ka dalë të çajë në këtë radhë emrash, pasi kujtojmë se kënga e saj “Nëntori” njohu sukses ndërkombëtar, kryesisht në vendet sllave e duke arritur deri në Rusi. Dhe duket se ajo është pikërisht emri i radhës nga skena shqiptare e muzikës që do të bëhet një emër ndërkombëtar në muzikë.