Edhe pse tashmë mes tyre nuk ka më asgjë, përsëri gjatë bisedës së bërë mes Rozës dhe Orindës në emisionin “Vizioni i Pasdites”  lidhja me Stinen ishte pjesë e  kësaj bisedë, shoqëruar në sfond me listen e këngëve të saj të preferuara,  ku Roza ka rrëfyer mjaft gjëra që nuk i dinit për ata të dy. 

"Ne nuk jemi  më bashkë. Morëm pjesë në një spektakël kërcimi ku vinte edhe partnerja e tij  të cilën e kam mike në Facebook. Me Stinen jam lidhur në periudhën e tij më të suksesshme, por ka qenë një lidhje e vështirë, pak si shumë e vështirë. Nesti ishte 26 vjeç atëherë  ndërsa unë 17.

Nuk mund të lidhesh me një djalë 26 vjeçar  që është në kulmin e karrierës, një djalë simptatik që i shkojnë të gjitha vajzat nga pas. Një djalë, i cili ka qenë lehtësisht i shpërqendrueshëm ndonëse mua më kishte përzemër. Kemi patur shumë përplasje dhe njerëzit e tjerë nuk na linin rehat. Ne bëmë tre vjet të lidhur. Unë nuk jam fare  për lidhjet e prishura që mund të ribëhen”- është shprehur Lati. Gjithashtu ajo u shpreh se tashmë është dikush në jetën e saj.

“Femrat e harrojnë atë që kanë patur kur gjejnë një dashuri tjetër dhe unë e gjeta pas shumë kohësh. Është dikush që ma çon një mesazh “Mirëmëngjes zemra ime”, jemi miq si kemi trashur shumë telat, por ne femrat kemi nevojë për vëmendje, megjithatë nuk e kam bërë publike sepse nuk fillojnë e marrin vesh njerëzit nisin e ndërhyjnë,”-ka rrëfyer Roza. Megjithatë, fakti që ende flitet për ata të dy, tregon se kanë qenë vërtet një çift simpatik dhe  do dukeshin ende  të tillë po të ishin përsëri bashkë.