Einxhel Shkira, Beatrix Ramosaj dhe Sara Berisha, ishin tre hyrjet e reja në ”Big Brother VIP”, spektaklin e së martës. Mirëpo, në mediat rozë, është përfolur se njëra prej tyre ka patur një lidhje më parë me Granitin, ndonëse nuk është zbuluar se cila.

Për të sqaruar këto thashetheme e jo vetëm, Genta Cana, motra e Granitit ka dhënë një intervistë për “Prive”, ku nuk i hodhi poshtë aludimet. Ajo tha se vëllai i saj ka patur shumë lidhje dhe femra në të kaluarën, por jo domosdoshmërisht ajo i njeh të gjitha.

“Unë në fakt nuk i di të gjitha lidhjet e Granitit, apo dhe flirtet, nuk e di me kë ka pa punë realisht nga të gjitha ato femra, pasi nuk mund të mohoj që Graniti ka pas femra në të kaluarën, ka pas shumë femra”.

Sa i përket tre vajzave, ajo tha:

“Unë nuk kam informacion. Veç të të gënjej. Kështu që po tërhiqem prej kësaj pyetjeje”, tha moderatorja.

Ajo foli edhe për Fifin, për të cilën tha se “deklaratat” e bujshme, nuk ishin aspak të vërteta, e ajo nuk e kishte quajtur ‘maniake’ e ‘psikopate’, dhe ajo as nuk i mendon ato gjëra.