Personat e famshëm ose shumë të ndjekur duhet ta bëjnë të qartë kur postojnë reklama për produkte dhe brande në rrjetet sociale, të paktën me çfarë kanë paralajmëruar rregullatorët. Përdoruesit e Instagramit, blogerët dhe vlogerët duhet të paralajmërojnë që në titull dhe t’u tregojnë lexuesve apo ndjekësve për materialet në përmbajtjen e përgjithshme për të cilat janë paguar. Sipas Komitetit të Praktikës së Reklamave, kur vetëm një imazh është i dukshëm, duhet vendosur një fjalë e thjeshtë si “AD” (reklamë) në mënyrë që ndjekësit të mos bëhen konfuzë. Kjo do të ndihmonte edhe personazhet apo brandet të cilat i paguajnë ato që të tregohen të drejtpërdrejtë me njerëzit, të cilët nuk duhen ngatërruar. Aktualisht brande të ndryshme paguajnë gjigandët e rrjeteve sociale që të postojnë linke apo të dalin në foto me produktet e tyre në faqet personale. Tashmë rregullat do të ndryshojnë disi.