“Në fund fare këtë kravatën do ta marr unë, do e ndërrojmë, në fund”. Ky ishte premtimi që kryeministri Edi Rama i bëri në muajin shtator kryefamiljarit Hysen Zhupani në Shijak,  familja e të cilit jetonte në kushte shumë të vështira ekonomike. Këtë mëngjes Rama shpërndau në facebook një video me pamjet e reja të shtëpisë së familjes Zhupani, duke treguar se ai e mbajti premtimin që u bëri për ndërtimin e një shtëpie të re. Gjatë vizitës që bëri në banesën e re të Hysen Zhupanit Rama i dhuroi kryefamiljarit kravatën e tij, ashtu siç ia kishte premtuar. Ndërsa për fëmijët e familjes kreu i qeverisë ka një kërkesë. Për më tepër ndiqini videon.