Aventura turistike në Alpet e Tropojës ka përfundur tragjikisht për një turiste nga Australia.

Policia ka njoftuar se turistja ka rënë nga një lartësi 80 metër në vendin e quajtur “Qafa e Valbonës”, ku A.SH, 56 vjeçe ka rrëshqitur në një vend me dëborë në humnerë, duke gjetur vdekjen e menjëhershme.
Policia thotë se turistja ndodhej në Tropojë sëbashku me bashkëshortin e saj dhe një çift tjetër. Zona, ku ka ndodhur ngjarja është shumë e thellë e paraqet vështirësi dhe policia ka kërkuar edhe një helikopter për ndihmë.