Një nga aksesorët që ne nuk bëjmë dot gjatë stinës së verës janë padyshim syzet. Një veshje nuk është asnjëherë e kompletuar nëse nuk ke vendosur syzet, pasi ato kanë çelsin kyç që ne të dukemi shumë me stil. Duke u bazuar nga sfilatat pranverë/verë 2018 apo dhe nga blogeret më të famshme, kemi dal në konkluzionin që syzet shumë të vogla vintazh që në gjuhën e modës quhen ‘matrix’ po pushtojnë këtë sezon më shumë se kurrë. 

Moda e viteve 90’ është rikthyer sërish këtë verë dhe kjo falë syzeve ‘matrix’. I mbani mend binjaket e famshme Mary dhe Kate Olsen? Sigurisht që po. Me to jemi rritur dhe mund të themi që ato kanë qenë të parat që na kanë prezantuar me syzet shumë të vogla ‘matrix’.

Sot këtë trend na e kanë prezantuar disa nga vajzat më me influencë në fushën e modës si: Gigi dhe Bella Hadid, Kendall Jenner etj. Që kur modelet e famshme e përqafuan këtë trend, të gjitha vajzat e tjera u fiksuan me këto syze.

Por edhe blogeret shqiptare e kanë përfaquar menjëherë këtë trend. Mjafton që të shohim blogeren e njohur dhe të suksesshme shqiptare Armina Mevlani. Ajo është gjithmonë në koherencë me trendet e fundit. Duhet të theksojmë se asaj i përshtaten shumë mirë dhe merr pikërisht atë pamjen e një vajze me stil vintazh të viteve 90’, një ndër stilet e preferuara të saj.

Je duke kërkuar për syzet që duhet të keni gjatë stinës së verës? Tani jo më. Ne po ju tregojmë trendin më të fundit të modës përsa i përket syzeve. Nëse ju nuk i keni ende një palë syze si këto, çfarë po prisni ende?
Shihnin fotot më poshtë edhe frymëzohuni: