Celulari i ri i Google vjen në dy modele të ndryshme, Pixel dhe Pixel XL, me ndryshimin kryesor mes të dyve në madhësinë e ekranit dhe rezolucion. Të dy celularët janë të ndërtuar nga HTC, por me procesorin Snapdragon 821 të Google dhe të reklamuar si produkte të bëra tërësisht “by Google”. Google Pixel vjen me disa tipara te reja dhe interesante, përfshirë Google Assistant (ndihmë 24/7 nga operatorët për problemet e ndryshmë teknike), hapësirë të palimituar në cloud, dhe kamerën si surprizën më të madhe. Kjo e fundit është cilësuar nga kritikët si kamera më e mirë që është vendosur ndonjëherë në një smartphone.

Pixel është gjithashtu smartphone i parë që del në treg bashkë me pajisjen e realitetit virtual,  të quajtur Daydream. Pixel, me ekran 5 inch do të kushtojnë 649 dollarë në versionin me 32 GB memorie, versioni me 128 GB memorie do të kushtojë 749 dollarë. Pixel XL, me ekran 5.5 inch do të kushtojë 769 dollarë, ndërsa versioni 128 GB do të kushtojë 869 dollarë. Celulari i ri Google Pixel vjne me 3 ngjyra, argjend, e zezë dhe blue ose me emrat e tyre zyrtarë “Very Silver”, “Quite Black” dhe “Really Blue”. Kjo e fundit ama është e disponueshme vetëm në Amerikë. Jeni gati për të hedhur iPhone në plehra?