Më i riu prej tyre quhet Kristofor Pitushi, një djalë i lindur në Kuçovë të Beratit dhe i arsimuar në Universitetin Politeknik të Tiranës , i cili disa muaj më parë u zhvendos në Milano për të zhvilluar karrierën e tij si model pranë agjensisë Boom Models. Agjensi kjo që falë punës së palodhur dhe sigurisht fizikut të Kristoforit, i dha atij mundësinë të sfilonte pak ditë më parë për firmën e njohur gjatë Javës së Modës në Milano. Një fakt të tillë modeli në fjalë e ka konfirmuar vetë për burime të intv.al, ndonëse në Instagramin e tij gjenden disa foto nga sfilata si dhe nga prapaskenat e saj. Por nuk përfundon këtu pasi Kristofori na bën me dije se ka punuar edhe më parë me firmën prestigjoze për katalogun e ri të saj si dhe reklamat në faqen e tyre zyrtare të websajtit. Ndonjëherë shprehja "lëre suksesin tënd të flasë vetë" vlen më tepër se ç'mund ta mendonit!