Policia e Shtetit ju vjen në ndihmë shoferëve për të qënë të kujdesshëm në zona ku ka dëborë dhe akull.

Ja këshillat:
“Bora dhe ngricat tashmë janë prezente në rrugët verilindore të vendit. E keni bërë gati makinën tuaj? Besojmë se jo, sepse rënia e dëborës shpeshherë të zë papritur.
Ndërroni gomat nga verore në dimërore.
Evitoni manovrat e ashpra - “butësia” është çelsi i artë kur jeni me mjet dhe qarkulloni në akse rrugore me dëborë.
Në ngjitje mos hiqni dorë kurrë, vendosni marrshin e parë ose të dytë dhe vazhdoni me kujdes pa u tërhequr dhe pa ekzagjeruar me gazin, por edhe pa “humbur” shpejtësinë.
Në disheza, përdorni frenimin/motor.
Qëndroni larg mjeteve të tjera si distancë udhëtimi.
Në rastet e rrugës së mbuluar me dëborë në shtresë të lartë më mirë mos ndiqni gjurmët që mjetet e tjera kanë lënë mbi sipërfaqen e saj.
Kujdes me akullin. Është më i rrezikshëm se dëbora, sepse shpesh është i padukshëm.
Telefononi 112 për çdo problematikë, jemi në shërbimin tuaj."