Reperi i njohur Noizy, nuk ka të ndalur me projektet e reja muzikore, të cilat kthehen menjëherë në hite. Pas suksesit të këngës së tij të fundit me titull “Neë Benz”, në bashkëpunim me Snik, reperi ka publikuar këngën e re që mban titullin “Nuk kanë besu” dhe është kthyer menjëherë në hit jo vetëm në vendin tonë, por edhe në vendet fqinje.

Kjo këngë po dëgjohet shumë në Maqedoninë e Veriut, Itali dhe Greqi e këtë na e ka treguar reperi nëpërmjet rrjeteve sociale. Ai madje i ka shpallur sfidë edhe reperit të njohur grek dhe mikut të tij njëkohësisht SNIK të cilit i ka thënë se kënga e tij “Nuk kanë besu” do të jetë numri 1 në “trending” në shtetin grek.

Dhe me të vërtetë ia doli, pasi kënga e Noizyt është kënga që po dëgjohet më shumë nga grekët siç mund ta shihni në këtë foto.