Pak ditë më parë u përhap me shpejtësi lajmi se Noizy dhe Oriola Marashi janë zënë. Shkaku nuk dihej, por thashethemet nisën nga fakti që dyshja e kishin hequr njëri-tjetrin nga lista e ndjekësve në Instagram.

Madje dyshja nuk janë parë më prej kohësh në shoqërinë e njëri-tjetrit ndërkohë që dikur i shihnim shpesh bashkë. Ditën e djeshme Noizy ka reaguar për herë të parë mbi sherrin me postimin e fundit në Instastory.

Reperi tregon se Oriola ka nisur ta ndjekë sërish në Instagram dhe e bën publik faktin që ajo e para e ka bërë follow dhe jo ai, njëjtë siç të gjithë ne mund të kemi ‘fëlliqur’ shokët në këto raste.

Ai shkruan: “Kaq ishte” duke lënë të kuptohet se dyshja e kanë shuar sherrin dhe janë pajtuar.

Mirëpo së fundmi ka qenë Oriola e cila ka postuar një foto ku e ka përkrahur Noizy-n në një concert dhe një tjetër ku shihen një vit më parë në festën private që mbajti Elvana Gjata për ‘3’ EP dhe për ditëlindjen e këngëtares. Si duket Oriola ende nuk ia ka kthyer tamam ‘shakanë’ Noizy-t, pasi ai bëri që ta shihnin 1.3 milion persona si ajo e bëri ‘follow’ reperin e para. Por me foton më poshtë mësuam se marrëdhënia e tyre tashmë është rregulluar dhe se shkojnë mirë./intv.al/