Mesa duket gushti nuk qenka vetëm muaji i martesave e dasmave, por edhe ndarjeve. Lajmet që kane qarkulluar prej kohësh në media për një ndarje të mundshme midis dy këngëtarëve Robert Berisha dhe Nora Istrefi, tashmë janë konfirmuar dhe martesa disa vjeçare ka marrë fund.

Robert Berisha deklaroi pëmres një postimi në Instagram se ai dhe Nora Istrefi janë ndarë. Në shkrimin e tij Roberti i shprehte falenderimet Norës për gjithë kohën që kanë kaluar bashkë duke shtuar se pavarësisht gjithçkaje ata mbeten miq të mirë dhe prindër të një vajze.

Mirëpo nëse Nora po përjeton ndarjen, kushërira e saj modele, Besa Istrefi mesa duket po konfirmon lidhjen me reperin Blleki, për lidhjen me të cilin është përfolur prej kohësh.
Ajo ka publikuar një foto me një mashkull me të cilin shihen nga pas duke parë perëndimin dhe burime për iconstyle bëjnë me dije se ata po i kalojnë pushimet bashkë.

Në janar u përfol se reperi kishte lënë të dashurën shtatzënë për modelen nga Mitrovica. Anëtari i njohur i grupit PINT-at, tashmë është bërë baba, por duket se po shijon lidhjen e re me Besën!