Prej disa kohësh qarkullojnë lajme në media për lidhjen e reperit Fero me modelen Arbenita Ismajli. Kjo për shkak të disa fotove që të dy kanë postuar në të njejtën kohë, në të njejtin vend, kujtojmë rastin e fotove në Gjermani që ishin dhe nisja e aludimeve për një lidhje midis tyre. Gjithashtu një tjetër pozë e tyre duke u përqafuar qarkulloi para disa javësh në internet. Mirëpo ata nuk fshihen më, madje reperi komentoi para disa ditësh në një foto të Arbenitës ku shkroi: “I gjithë Universi në një foto”.

Së fundmi, modelja ka tërhequr vëmendjen me një postim të veçantë në Instastory, ku ka publikuar një femër dhe një mashkull të cilët gdhendin njëri-tjetrin.
Arbenita ka etiketuar Feron në postim, duke lënë të kuptohet se edhe marrëdhënia e tyre është e tillë, pasi modelja dhe reperi po ndërtojnë e formësojnë njëri-tjetrin në jetë.