Bëhet fjalë për një ikonë të vërtetë të Hollywood, as më shumë e as më pak se Johnny Depp. Aktori 52 vjeçar është shpallur si aktori më i mbipaguar në Hollyëood nga revista prestigjoze Forbes për të dytin vit radhazi. Dhe kjo nuk është e çuditshme duke llogaritur se filmi i madh i Depp “Alice Through the Looking Glass”, ishte flopi më i fundit në një seri filmash zhgënjyes, të tillë si “Transcendence” dhe “Mortdecai”. Dështimet e njëpasnjëshme në box office e kanë shndërruar Depp në humbësin më të madh në Hollywood, i cili i kthen box office-it vetëm 2.8 dollarë për çdo dollar që është paguar. Megjithatë është përmirësim nga viti i kaluar, ku producentët fituan vetëm 1.8 dollarë për çdo dollar që e paguan Johnny-n. Në këtë listë famëkeqe kanë përfunduar dhe emra të tjerë si Will Smith, Channing Tatum dhe Julia Roberts.