Kuptohet që si çdo projekt cilësor, edhe ai do të kishte koston e vet. Për më tepër që ky është një projekt ku bashkëpunëtorët janë nga tregu ndërkombëtar. Si i tillë ndoshta tingëllon e justifikueshme edhe shifra e kripur prej 200.000 eurosh për realizimin e këngës dhe klipit. Vetë menaxheri i Erës, Faton Shoshi, e ka deklaruar këtë në një emision radiofonik. Me 6 milionë klikimet përgjatë këtyre ditëve, duket se kënga është në rrugë të mbarë për ta përligjur shumën e paguar për të.