Ato të dyja janë shembulli perfekt që na tregon se sa dashuri kanë për njëra-tjetrën dy motra. Marina dhe Luana Vjollca janë dy nga moderatoret më të njohura të ekranit shqiptar dhe ditët e fundit kanë patur disa angazhime të ëmbla pasi Marina kurorëzoi dashurinë e saj me Getoar Selimin.

Kemi parë shpesh herë postimet e tyre ku cilësojnë njëra-tjetrën si “bisha”, “zemra” apo “shpirti” por siç duket dasma na ka zbuluar edhe disa detaje të tjera.

Pas dasmës së bujshme, Marina ka gjetur hapësira t’i dedikojë motrës së saj të dashur disa fjalë vërtet prekëse dhe ka zbuluar se si e thërret ndryshe Luanën.

“Si do ja bëja pa ty në jetën time? Gjithmonë bashkë!”, ka shkruar moderatorja, ndërsa ka publikuar tre imazhe me të motrën gjatë ceremonisë së 10 shtatorit. Ndërkohë që në një nga fotot shfaqet Luana duke e ndihmuar me këpucët, dhe Marina e quan atë “pufja ime”.

Të paktën deri më sot nuk e dinim këtë epitet.