Puntata e së shtunës në emisionin “Pop Culture” në “Top Channel” mori 'dhenë' në rrjetet sociale! Teksa intervistonin astrologen Meri në studio, vajzat nisën të flisnin për çiftet që shkojnë më shumë sipas shenjës së horoskopit. Dojna Mema i hapi vajzave “sfidën” e Victoria Beckham, për të parë nëse e meritonin “David-in”. Ato duhet të qëndronin në kolltuk njësoj si Victoria në foton e mëposhtme.

Kejli e kaloi sfidën me sukses, mirëpo Kilda është rrëzuar përtokë teksa përpiqej të qëndronte si Victoria. S'ka faj pasi kolltuku ku e provuan sfidën nuk ishte fare i rehatshëm, ndryshe nga rasti i Victorias.

Vajzat nisën të qeshin me të madhe në studio, ndërsa ky moment i sikletshëm u kalua me sportivitet nga të gjitha. Vlen të thuhet se ne të inlife.al kontaktuam me Kildën dhe na tregoi se është mirë dhe pse u vra pak nga rrëzimi. 

Në videon e mëposhtme mund të shihni momentin epik, videoja po bën xhiron në rrjet dhe ndodhet në vendin e #12 në Trending në YouTube, Shqipëri.