“Nuk është vetëm marrëdhënie seksuale jeta, edhe do flasësh diçka.” Kështu është shprehur aktori i njohur i “Portokallisë”, Ledio Lako, pasi deklaroi se është ndarë nga e dashura, vetëm se ajo nuk lexonte.

Lako tha se kishte mbetur i habitur kur kishte pyetur të dashurën mbi Ismail Kadarenë. Ajo ishte shprehur se nuk e njihte, kur shkrimtari i njohur ishte shfaqur në televizion.

Pas kësaj, ai kishte hapur radion, dhe ish-e dashura njihte të gjitha këngët, duke treguar qartë një neglizhencë mbi leximin. Ledio Lako është një nga aktorët më të vjetër në "Portokalli".

Lako u shpreh:

Doli Ismail Kadare në televizor dhe e pyeta se kush është, më tha nuk e njoh. Pastaj e çova në radio, dinte të gjitha këngët përmendësh edhe thashë ku po shkon kjo botë. Nuk është vetëm marrëdhënie seksuale jeta, edhe do flasësh diçka.”