Mozzik dhe Loredana janë komentuar shumë këto kohë për shkak se po përflitet se ata janë rikthyer bashkë. Por ata nuk kanë bërë asnjë koment publik mbi këto aludime. Megjithatë, së fundmi, dyshja janë kapur mat në një hotel në Kosovë, ku janë parë shumë afër me njëri-tjetrin. Fotot janë publikuar nga “Telegrafi”, ku shihet Loredana bashkë me Mozzik, ndërsa shoqërohen dhe nga persona të tjerë.

Në rrjet po qarkullojnë foto të ndryshme të çiftit që shihen krah njëri-tjetrit, madje në njërën prej fotove reperi ka veshur jelekun e Loredanës, gjest ky që të dy artistët e kanë bërë shpesh së fundmi.

Por, cila është arsyeja e vizitës së Loredanës këtë herë?

Sipas Prive.al, reperja po xhiron po videoklip të ri në Prishtinë që pritet të publikohet së shpejti, ndërsa detajet rreth tij mungojnë.

Mos vallë Mozzik do jetë pjesë e albumit të ri të Loredanës? Fansat kanë nisur të aludojnë rreth këtij detaji, por me siguri do e marrim vesh më vonë.